*Quintana di que conseguirá o cambio galego "contando con todos, con diálogo e participación"
Redacción, 13 de abril 2005. O portavoz do BNG, Anxo Quintana, puxo voz a valoración da Executiva Nacional ao expresar que “lamenta” pero que “respecta e acata” a decisión adoptada por Xosé Manuel Beiras de renunciar ao seu cargo de presidente e a ir nas candidaturas. “Vou seguir o meu camiño con diálogo, participación, para cumprir co mandato do BNG, e contando con todos e todas”, aseverou...[ler máis]

*Emilio Pérez Touriño queda no “ridículo máis espantoso” tras a suspensión da moción do “L” aprobada polo PSOE
Redacción, 13 de abril 2005. A suspensión xudicial do acordo municipal sobre a denominación da cidade da Coruña, apoiado só polo PSOE, veu a dar a razón, máis unha vez, aos argumentos xurídicos defendidos, entre outras organizacións, pola Mesa pola Normalización Lingüística. O lóxico sería agardar que agora se cumprise a lexislación, mais é difícil agardar nada dun delincuente reincidente como Francisco Vázquez, que desobedece os tribunais, prevarica e malversa fondos públicos na súa obsesión contra a lingua galega...[ler máis]

*Elaborado un documento no que se cuestiona dende un punto de vista técnico a decisión de afastar o Prestige fronte á de levalo ao Seno de Corcubión
Redacción, 13 de abril 2005. Un comité independente de técnicos e científicos elaborou un documento no que, despois de analizar a información sobre o estado do Prestige e a meteoroloxía nos días 13 a 17 de novembro, conclúe que a opción mais lóxica era levalo ao seno de Corcubión. De terse realizado naquel momento unha avaliación técnica rigorosa sobre a situación reinante, o Prestige nunca se tería afastado...[ler máis]

*Beiras demite como presidente do Consello Nacional do BNG e renuncia a formar parte das candidaturas para as galegas
Redacción, 12 de abril 2005. Onte, ás 19:30 h. da tarde, recibiuse na Sede Nacional do BNG un escrito de Xosé Manuel Beiras dirixido ao portavoz nacional e aos membros do Consello Nacional e a través do cal se comunicaba a súa decisión de non formar parte das candidaturas do BNG ás eleccións galegas e, ao mesmo tempo, a súa determinación de demitir como presidente do Consello Nacional, organismo no que permanecerá como un membro máis dos eleitos pola XI Asemblea Nacional do BNG...[ler máis]

*Anxo Quintana demanda ao PSOE que se una ao BNG na defensa do direito dos galegos e galegas a coñecer a verdade sobre as infraestruturas
Redacción, 11 de abril 2005. O líder do BNG, Anxo Quintana, pensa que un debate na TVG sería o formato ideal para que os galegos e as galegas coñecesen por que os sucesivos gobernos centrais non atenden as necesidades do país. “Caso de que Fraga non quixese acudir, sería útil que debatísemosTouriño e eu sobre as infraestruturas para chegar a un compromiso de propaganda cero” afirma...[ler máis]

*Apresentación á comunidade universitaria da ILP pola defensa dos nosos rios
Redacción, 11 de abril 2005. Os Comités Abertos de Escola e Faculdade (CAF) do Campus de Lugo organizan para mañá martes 12 ás 12:00 h. na Sala de Xuntas de Veterinaria a apresentación á Comunicdade Universitaria da ILP pola defensa dos nosos ríos. Esta iniciativa está a ser desenvolvida por unha plataforma composta por numerosas organizacións e aínda que os CAF non forman parte dela, apoian e traballan igualmente na recolleita de asinaturas e organizando actos coma este no Campus.
Para o acto está previsto que acudan profesores de todos os centros do Campus que apoiarán esta iniciativa coa súa asinatura.
No acto intervirán un/unha representante dos CAF así como un/unha representante da plataforma.

Voltar a novas

Ver anteriores

Publicidade

Movete polo novo Estatuto para Galiza. Asina!

Participa! Desta volta gañamos nós!!!!

Colabora coa Mesa, clica embaixo e axúdanos a galeguizar os bancos e caixas de aforros!