|
Publicidade
Contacto
Novas
Opinión
Arquivo
Ligazóns
Anteriores
|
*A
Universidade da Coruña edita glosarios para facilitar o uso
do galego en seis carreiras
Redacción,
2 de abril 2005. O
Servizo de Normalización Lingüística da
Universidade da Coruña presentou hoxe os seis primeiros
volumes dunha nova colección de manuais terminolóxicos
específicos para as áreas de Arquitectura, Dereito,
Bioloxía, Fisioterapia-Podoloxía-Enfermaría,
Económicas-Empresariais e Informática.
Segundo
explicou a directora deste Servizo, Goretti Sanmartín, esta
iniciativa forma parte dunha campaña máis amplia
dirixida ao profesorado, que pretende facilitar o seu traballo nas
aulas.
Goretti Sanmartín explicou que, ademais da
edición destes volumes, se impartirán obradoiros
durante o mes de abril, para os que xa están inscritos máis
dun cento de profesores e profesoras, a pesar de que non é
necesaria a inscrición previa. A Universidade da Coruña
prevé publicar proximamente outros seis manuais.
A
directora do Servizo de Normalización Lingüística
sinalou que a intención "é cubrir todos os
ámbitos científicos e ver as necesidades do
profesorado", colectivo onde, segundo recordou, é
escaso o uso do galego. Un recente estudo da Universidade da
Coruña cifra nun 12 por cento o profesorado que emprega
esta lingua nas súas aulas.
*Nova
tirada da páxina
de A Masa pola Normalización Lingüística
Voltar
a novas
Ver
anteriores
|
|