|
Publicidade
Contacto
Novas
Opinión
Arquivo
Ligazóns
Anteriores
|
*Quintana
aposta polo Pacto Social
polas Infraestruturas para “plantarnos unidos ante
Madrid”
Redacción,
6 de abril 2005. O
camiño para a defensa dos intereses de Galiza perante a
elaboración do Plano Estratéxico de Infraestruturas
e Transportes (PEIT) non é o da “confrontación
eleitoralista estéril”, senón o do Pacto
Social polas Infraestruturas para “plantarnos unidos ante
Madrid”, afirma através
deste comunicado de imprensa o portavoz nacional do BNG,
Anxo Quintana.
O líder do BNG cualifica a apresentación
das emendas da Xunta ao PEIT de “acto de propaganda
partidista pago con fundos públicos”.
“A
leitura das presuntas emendas provoca rubor e escándalo,
pola falta de documentación, rigor e seriedade que
encerran. Revelan tamén dúas cousas moi
preocupantes. Unha, a falta de competencia do tapado Feijoo. Dúas,
algo que xa é un clamor social: que Fraga non está
en condicións de gobernar. Non é que non estea en
condicións de gobernar apartir de Outubro, é que non
o está xa agora”, di Quintana.
O
portavoz nacional do BNG censura ao PPdeG que non pense no país
e que actúe só en función de “mesquiños
cálculos eleitorais”. “A vía é
outra. A vía é que a levou onte no Senado á
aprobación unánime da criazón dunha
Confederación Hidrográfica do Miño-Sil. Ésa
é a vía. A da unidade de todas as forzas políticas
galegas para, desde o que nos une, defender os nosos intereses
ante Madrid. O BNG fixo iso no Senado, ao facer súa unha
proposta do Parlamento Galego e ao elevala á Cámara
Alta. O Goberno galego, no canto de pórse a liderar o país,
o que fai é abonarse a unha confrontación estéril
que nos debilita a todos. Estéril porque non soluciona os
problemas de Galiza e porque non lle vai librar da derrota
eleitoral”, afirma Quintana.
O líder do BNG
considera que a día de hoxe é máis necesario
que nunca retomar a proposta de Pacto Social polas Infraestruturas
que a formación nacionalista formulou para enfrentar a
elaboración do PEIT. “Esa proposta do Pacto ten un
amplísimo consenso social arredor dela. E até agora
non se traduciu en feitos unica e exclusivamente pola falta de
grandeza política do PP e pola falta de grandeza política
de Fraga. Fraga é desleal a Galiza e iso está a
impedir polo de agora que o Pacto Social se converta en
realidade”.
Apartir
de Outubro, Anxo Quintana comprométese a, desde a
presidencia da Xunta de Galiza, “impulsar o pacto social
pola Galiza do Século XXI”, para que “Galiza
fale con unha soa voz en Madrid, “unha voz que o Goberno
Zapatero non vai ter máis remedio que atender”.
Voltar
a novas
Ver
anteriores
|
|