|
Publicidade
Contacto
Novas
Opinión
Arquivo
Ligazóns
Anteriores
|
*Mercado
laboral en Galiza 2004: A taxa de temporalidade sitúase a
31,4 puntos da media da UE
Redacción,
8 de abril 2005. En
2004, o 44,5% dos contratos de duración determinada foron
de menos de 1 mes.
Da análise da situación do
mercado laboral en Galiza no ano 2004 tírase que, lonxe de
converxer coa UE, diverxemos cada vez máis: a taxa de paro
está a 4,6 puntos da media comunitaria, a temporalidade
supera en 21,3 puntos á media da UE e asináronse
30.000 contratos indefinidos menos que no 2003. Para a CIG
constátase así o fracaso das políticas de
emprego da Xunta de Galiza -baseadas en subvencionar a empresas-
que non obtiveron ningún dos resultados previstos.
A
CIG presentou en rolda de prensa, o pasado xoves 7 de abril, o
informe elaborado pola Secretaría Confederal de Apoio
Técnico e o Gabinete Económico sobre “O
mercado laboral en 2004”.
O seu responsábel,
Bautista Vega Tato, subliñaba os dous aspectos máis
preocupantes da situación do mercado laboral no pasado ano:
as elevadas taxas de temporalidade e o escandaloso incremento da
precariedade laboral feminina.
Para o Secretario Confederal
de Apoio Técnico, a solución a esta grave situación
pasa por “desenvolver un marco galego de negociación
colectiva para pórlle freo á precariedade” e
“facer un seguimento para saber se as subvencións que
se destinan ás empresas para favorecer a contratación
están obtendo os resultados previstos”.
Aínda
que aumentou a poboación activa, “non é que
haxa máis xente en idade de traballar senón máis
mulleres que pretenden acceder ao mercado laboral”, explica
Natividade López Gromaz, responsábel do Gabinete
Técnico de Economía.
O sector primario foi o
único que perdeu activos (10.700 persoas) e dos que se
manteñen no sector, o 45% tiñan máis de 50
anos no 2004. O preocupante deste incremento de baixas é
que dos 10 primeiros produtos que exporta Galiza (ou sexa, os máis
importantes), 5 son do sector primario, polo que non se entende a
que obece a obsesión do goberno do PP de deseñar
políticas destinadas a eliminar activos neste sector.
No
polo oposto, o sector servizos experimentou un incremento dun 17%,
relacionado, sobre todo, co feito de que o 2004 fora ano
Xacobeo.
Incremento da temporalidade
Malia a
taxa global manterse no 2004 respecto ao 2003, a temporalidade
medrou espectacularmente entre as mulleres, acadando o 37,7% da
poboación asalariada feminina e descendeu entre os homes,
dun 32,2% a un 31,4%.
Apesar deste incremento, a taxa de
temporalidade en Galiza supera en 21,3 puntos a media comunitaria
e as diverxencias son maiores entre as taxas femininas que entre
as masculinas, onde aínda así está a 31,4
puntos da media da UE.
A muller é quen padece máis
a precariedade laboral que supón a temporalidade do
emprego. A taxa de paro das galegas supera en 9,5 puntos a media
europea e a taxa de temporalidade alcanzou o 37,7%, 22,9 puntos
por riba da UE.
Temporalidade no sector público
A
temporalidade no sector público medrou escandalosamente,
alcanzando o 24,5% fronte ao 23,7% do ano 2003. Este preocupante
índice débese, segundo explica Bautista Vega, á
tendencia crecente de desviar e privatizar servizos que antes
dependían da administración.
Partindo do
incremento da temporalidade no sector público e na
construción, e tendo en conta as distancias que se manteñen
co conxunto comunitario, Natividade López Gromaz interpreta
que estariamos ante un fenómeno especificamente galego.
“Non se explica nin en termos de competitividade, nin en
termos causais, nin polo neoliberalismo exacerbado -xa que o resto
dos países da UE están no mesmo período
capitalista no que está Galiza- senón que se
estendeu entre a clase empresarial e política o uso e
costume da utilización deste tipo de contrato”.
A
precariedade foi provocada polo proceso de “desregulación
laboral promovido por parte do estado a este corresponde solventar
o problema”, incide López Gromaz.
Desemprego
Entre
os parados que buscan o seu primeiro emprego, no 2004 apenas se
produciron variacións. Mantéñense en torno
aos 35.00, un 20% do total, dos cais, case o 75% son mulleres.
Ademais debe terse en conta que o 28,8% dos parados son de longa
duración e que a maioría son parados “reincidentes”,
entre os que o paro aumentou un 11,4%.
A maioría dos
contratos rexistrados no 2004 foron baixo algunha modalidade de
duración temporal (91,6%). Os indefinidos de nova creación
apenas medraron un 0,7%. Pero máis salientábel que o
número de rexistrados é o feito de que descende o
número de asalariados con contrato indefinido con respecto
a 2003. É dicir, os contratos indefinidos rexistrados en
2004 foron inferiores, en 30.000 aos traballadores que deixaron o
mercado laboral e que tiñan un contrato indefinido.
A
modalidade de contrato máis usada foi o “eventual por
circunstancias de produción”. Así, un 42% dos
temporais e un 38,4% do total de contratos asinados foron baixo
esta modalidade.
En 2004 cada traballador temporal
asinou unha media de 2,2 contratos
O grupo máis
abundante de contratos de duración determinada son os de
duración inferior a un mes (entre 15 días e un mes),
o 34,3% do total, e o encadeamento d eocntartos foi
elevado.
Medraron fortemente os contratos a tempo parcial
-o 22,1%- e foron os menores de 29 anos os que aisnaron o 53%
destes contratos. Deles, os menores de 25 anos asinaron o 97,6%
deses contratos e neste grupo só un 2,4% foron
indefinidos.
O perfil do traballador en precario sería
(maioritariamente) unha muller, menor de 29 anos ou maior de 45,
que asina un contrato temporal a tempo parcial. Ou sexa, un modelo
de contrato que aglutina todas as características que
definen a precariedade laboral. Desde a CIG enténdese que é
dunha grave irresponsabilidade por parte da administración
non atallar esta situación e manter as políticas de
subvención ás empresas nun intento fallido -como
constata este estudo- de frear a temporalidade.
Voltar
a novas
Ver
anteriores
|
|