Homenaxe
a Marcos Cela
*Multitudinaria
homenaxe ao desaparecido concelleriro do BNG de Lugo Marcos
Cela
Lugo,
11 de marzo 2005. Onte 10
de marzo de 2005, dia da clase obreira galega, faciase un ano da
morte de Marcos Cela, para a súa homenaxe os seus
compañeiros e compañeiras do Consello Local do BNG
de Lugo organizaron un acto por todo o alto.
Nun salón
de actos da Escola de Maxistério ateigado até os
topes (unhas 200 persoas dentro do salón, sentadas ou de
pé e outras tantas fora do salón) os seus
compañeiros e compañeiras, familiares, amigos e
amigas quixeron recordar ao desaparecido cun fermoso acto onde
por medio das lembranzas dos seus amigos e amigas, compañeiros
e compañeiras quixeron destacar as súas facetas en
diversos ambitos, político, sindical, deportista,
artistico pero sobre todo no humano.
Tamén se
proxectou un vídeo con fotografías que recorrian a
súa vida, e varios artistas amigos, o poeta Lois Dieguez e
Mini e Mero entre outros interpretaron uns poemas e cancións
respecivamente.
Ao remate do acto a súa muller,
Cristina, quixo tamén dirixirse aos amigos, amigas
compañeiros e
compañeiras que alí
acudiran.
O acto finalizou coa interpretación do
Himno do Antergo Reino de Galiza, peza moi apreciada polo
desaparecido.
Participa!
Desta volta gañamos nós!!!!
Colabora
coa Mesa, clica embaixo e axúdanos a galeguizar os bancos
e caixas de aforros!