|
Publicidade
Contacto
Novas
Opinión
Arquivo
Ligazóns
Anteriores
|
*Elaborado
un documento no que se cuestiona dende un punto de vista técnico
a decisión de afastar o Prestige fronte á de levalo
ao Seno de Corcubión
Redacción,
13 de abril 2005.
Un comité independente de técnicos
e científicos elaborou un documento no que, despois de
analizar a información sobre o estado do Prestige e a
meteoroloxía nos días 13 a 17
de novembro, conclúe que a opción mais lóxica
era levalo ao seno de Corcubión. De terse realizado naquel
momento unha avaliación técnica rigorosa sobre a
situación reinante, o Prestige nunca se tería
afastado.
Os
asinantes do documento, capitáns da mariña mercante,
catedráticos e profesores das tres universidades galegas (A
Coruña, Vigo e Santiago), de centros públicos de
investigación mariña (Instituto Español de
Oceanografía e Instituto de Investigacións Mariñas
(CSIC)), así como doutros centros galegos e españois,
e de organizacións ecoloxistas (Federación
Ecoloxista Galega (FEG), Asociación para a Defensa
Ecolóxica de Galiza (ADEGA)), e da CEMMA (Coordinadora para
o Estudo de Mamíferos Mariños), todas elas persoas
relacionadas co mundo do mar e a súa investigación,
á vista das afirmacións acientíficas que o
actual goberno, e técnicos da Xunta de Galicia, continúan
mantendo a día de hoxe a respecto da catástrofe do
petroleiro Prestige-Nassau, facemos constar que no día de
hoxe fixemos entrega no Parlamento, aos tres grupos parlamentarios
e tamén á mesa da comisión de investigación
da catástrofe do Prestige.
Neste documento estúdiase
a decisión tomada polo goberno de afastar o barco en
dirección Noroeste, comparándoa coa alternativa de
meter o barco no Seno de Corcubión. Aínda que este
documento se elabora máis de dous anos despois da
catástrofe, céntrase no período entre a toma
da decisións e a chegada da primeira marea negra, entre o
14 e o 17 de novembro de 2002, período este de tres días
que coincide co alcance das predicións meteorolóxicas.
A maioría dos datos que se manexan no documento estaban
pois a disposición das autoridades no momento en que
decidiron o afastamento.
A conclusión do documento
deixa en evidencia, dende un punto de vista científico e
cos datos enriba da mesa, que a decisión de afastar o
barco, sen avaliación previa do estado do mesmo, contra
vento e ondaxe e cara a unha borrasca, en lugar de buscar un lugar
de refuxio, foi posiblemente unha das peores decisións que
se podían ter adoptado, e, dende logo, claramente peor cá
opción de abrigar o barco no Seno de Corcubión.
Para
máis información contactar con Carlos Souto,
Profesor de Dinámica Oceánica e Oceanografía
Física (Departamento de Física Aplicada da
Universidade de Vigo), no teléfono 986 812 644.
O
informe está disponíbel en
http://www.adegagaliza.org/varios/enseada_corcubion/enseada.htm.
Lista
de asinantes, por orde alfabética de apelidos:
-
Dra. Ángela Alonso Millán. Directora do Departamento
de Ciencias da Navegación e da Terra. Universidade
da Coruña.
- D. José Luis Castro Baleato.
Coordinador da Federación Ecoloxista Galega (FEG).
- D.
Xan Duro Fernández. Presidente da Asociación da
Defensa Ecolóxica de Galiza (ADEGA).
- Dr. Fiz Fernández
Pérez. Profesor de Investigación. Departamento de
Oceanografía. Instituto de Investigacións Mariñas.
(CSIC).
- Dr. Emilio Fernández Suárez.
Oceanógrafo e Profesor de Ecoloxía Mariña.
Universidade de Vigo.
- Dra. María do Carmo García
Negro. Directora do Grupo de Investigación de Economía
Pesqueira e Recursos Naturais. Departamento de Economía
Aplicada. Universidade de Santiago.
- Dr. José Carvia
Carril. Profesor e Director do Departamento de Enerxía e
Propulsión. Universidade da Coruña.
- Dr. Ricardo
Beiras García-Sabell. Profesor de Contaminación
Mariña. Departamento de Ecoloxía e Bioloxía
Animal. Universidade de Vigo.
- Dr. Juán José
González Fernández. Coordinador do Programa de
Contaminación. Instituto Español de Oceanografía.
-
Dr. Alfredo López Fernández. Presidente da Cemma
(Coordinadora de Estudio dos Mamíferos Mariños).
-
Felipe Louzán Lago. Capitán da Mariña
Mercante (experto en petroleiros) e profesor da E.T.S. de Náutica
e Máquinas. Universidade da Coruña.
- Jose A.
Madiedo Acosta. Capitán da Mariña Mercante,
ex-Director Xeral da Mariña Mercante e presidente da
Asociación Española de Marina Civil.
- Dr.
Santiago Ortiz Núñez. Profesor titular do
Departamento de Botánica. Facultade de Farmacia.
Universidade de Santiago
- Dr. Augusto Pérez
Alberti. Catedratico de Xeografía Física. Facultade
de Xeografía e Historia. Universidade de Santiago.
-
Dr. Angel Rodríguez Fernández, Profesor e Director
da E.T.S. de Náutica y Máquinas da Universidade da
Coruña.
- Dr. Manolo Soto Castiñeira. Profesor
Titular de Enxeñería Química. Universidade de
A Coruña.
- Dr. Carlos Souto Torres. Profesor de
Dinámica Oceánica e Oceanografía Física.
Área de Física da Terra. Departamento de Física
Aplicada. Universidade de Vigo.
- Juan Zamora Terrés,
Capitán da Mariña Mercante, Doctor en Mariña
Civil e Director do Centro de Logística y Servicios
Marítimos (Universidad Politénica de
Cataluña,
CELSEM-UPC),
- Dr. Victoriano Urgorri.
Catedrático. Departamento de Bioloxía Animal.
Universidade de Santiago.
- Dr. Federico Vilas Martín.
Catedrático. Departamento de Xeociencias e Ordenación
do Territorio. Universidade de Vigo.
Voltar
a novas
Ver
anteriores
|
|