|
Publicidade
Contacto
Novas
Opinión
Arquivo
Ligazóns
Anteriores
|
*Quintana
di que conseguirá o cambio galego "contando con todos,
con diálogo e participación"
Redacción,
13 de abril 2005. O
portavoz do BNG,
Anxo Quintana, puxo voz a valoración da Executiva Nacional
ao expresar que “lamenta” pero que “respecta e
acata” a decisión adoptada por Xosé Manuel
Beiras de renunciar ao seu cargo de presidente e a ir nas
candidaturas. “Vou seguir o meu camiño con diálogo,
participación, para cumprir co mandato do BNG, e contando
con todos e todas”, aseverou.
Quintana quixo enviar
unha mensaxe de “tranquilidade e normalidade” tanto á
militancia como ao conxunto da sociedade proclamando que o BNG
“segue centrado no seu obxectivo de acadar un cambio galego
tras as próximas eleccións autonómicas e que
Galiza, por primeira vez na historia, teña un presidente
nacionalista”, explicou en rolda de prensa.
Neste
sentido, o Bloque vai seguir coa súa actividade política
“cunha intensa axenda para culminar o borrador do programa e
para dar paso a unha interlocución cos axentes sociais”,
dende o convencemento de que a maioría social quere “cambio
e respecto polo país”.
O portavoz nacionalista
restou importancia ao feito de que Beiras lle transmitise por
escrito a súa decisión, e recalcou que “ocupe
o posto que ocupe, sempre será un referente para min e para
o BNG, e estou seguro que contarei con el para facer o traballo
político que temos que facer para gañar as
eleccións”.
Sen entrar a “especular”
sobre as motivacións, Quintana asegurou que “non ten
consciencia” de terlle faltado ao respecto a Beiras, en
ningún momento, “pero se algunha das miñas
palabras foi interpretada así por Beiras non teño
ningún reparo en pedirlle desculpas, e o farei cando teña
a oportunidade de falar persoalmente con el, aínda que non
teño consciencia de que se teña dado”.
Quintana reiterou que conta “con todo o mundo”,
incluído Beiras, “que traballará, como sempre
o fixo, polo ben do BNG”.
Loubou o “proceso
democrático” na escolla dos cabezas de lista,
refrendadas polo 85 por cento da militancia, e expresou o seu
convencemento en que o Bloque dará resposta á
demanda da sociedade de cambio e respecto por Galiza, algo que o
actual presidente galego “nunca foi capaz de
acadar”.
Voltar
a novas
Ver
anteriores
|
|