Referendum
europeu
*BNG:
Só un de cada tres galegos apoiou o Tratado, porque a
maioría "quer máis Galiza en Europa"
Redacción,
22 de febreiro 2005.Desta
maneira trasladaba o portavoz nacional do BNG,
Anxo Quintana, a análise dos resultados do referendum
efectuada na reunión do Comité de Dirección
salientando que só un de cada tres galegos apoiou o
Tratado polo que se Estabelece unha Constitución para
Europa, dato que debería, dixo, “facer
reflexionar ao Goberno central”.
“Unicamente
un de cada tres galegos votou afirmativamente este Tratado,
opinión dos cidadáns galegos que o Goberno central
debe ter en conta, pero igualmente”, dixo, “o
Executivo debe ter en conta tamén a opinión dos
galegos que votaron en contra, en branco ou se abstiveron, que
foron dous de cada tres galegos”.
“A
xente que se manifestou co seu voto non, ou en branco son unha
magnífica contribución á opinión que
Galiza ten deste Tratado, e o Goberno pode ler hoxe que ao lado
dos que votaron si, posición que respectamos, hai tamén
unha opinión que considera que as cousas se poden facer
doutro xeito e que é necesario máis Europa e máis
Galiza en Europa”.
Quintana considera que sería
unha “barbaridade” tentar trasladar en chave
partidista os resultados do referendo, e advertiu do progresivo
“afastamento da cidadanía cos temas europeos que
pode derivar nun afastamento da política en xeral”,
toda vez que as campañas carecen de debates, e se limitan
ao uso do recurso do medo e de descualificación do
contrario.
O BNG, dixo, traballará para que isto
non se produza, a diferenza do PP e de Manuel Fraga, “que
parece cifrar as súas expectativas de continuidade
política” no desinterés da cidadanía
pola política.
En canto á valoración
da campaña o Comité de Dirección, explicou
Quintana, amosou a súa satisfación pola campaña
“didáctica, explicativa e non dogmática”
realizada polo BNG e felicitou expresamente á coordenadora
Encarna Otero polo “excelente” traballo na
transmisión da posición nacionalista.
Ante
as preguntas dos xornalistas, o portavoz nacional asegurou que o
Bloque conserva intactas a opción a presidir a Xunta de
Galiza. ”Estamos tan cerca como antes, incluso máis
porque temos a credibilidade dunha forza política que di a
verdade, polo que sabemos que o BNG sae deste proceso fortalecido
na súa credibilidade”, alegou.
Por
contra, Quintana cualificou de “falla de respecto coa
cidadanía” o intento do PP e do PSOE de
“repartirse o botín do si”, cando os
votos non se outorgaban a ningún partido, concluíu.
Máis
información na web do
BNG
Participa!
Desta volta gañamos nós!!!!
Colabora
coa Mesa, clica embaixo e axúdanos a galeguizar os bancos
e caixas de aforros!