|
Publicidade
Contacto
Novas
Opinión
Arquivo
Ligazóns
Anteriores
|
*Quintana
afirma que o adiantamento eleitoral pon fin a un goberno
agónico
Redacción,
22 de abril 2005. O
BNG
completará as súas candidaturas no prazo de quince
días, anunciou o portavoz nacional. O
portavoz nacional do BNG, Anxo Quintana, afirmou onte en Vigo que
o adiantamento eleitoral obedece a que Fraga non tivo máis
remedio que “pór fin” a un Goberno agónico.
“Estou
encantado de que Fraga adoptase esta decisión porque remata
cun Goberno acabado e agónico”, subliñou
Quintana en declaracións aos medios. O portavoz
nacionalista salientou que o BNG “parte con vantaxe”
ao ser a única forza política “que se adiantou
aos acontecimentos, ás mentiras e ás falsedades de
Fraga”. “Non é casual que sexamos a
única forza política que ten elexidos xa aos cabezas
de lista provinciais”, engadiu Quintana, quen considera que
o Bloque Nacionalista Galego “é unha maquinaria unida
e cohesionada e todos traballan nela para conseguirmos o obxectivo
de Galiza ter por vez primeira un presidente
nacionalista”.
Aproveitou
este encontro cos medios o portavoz nacional para anunciar que o
BNG completará as súas candidaturas en arredor de
quince días. “Non nos colle por sorpresa nen as
mentiras nen a manipulación de Fraga”, afirmou.
Dar
a cara ante a cidadanía
O candidato nacionalista
á presidencia da Xunta de Galiza instou tamén a
Fraga a que acceda a manter debates nos medios de comunicación
para que os cidadáns teñan a oportunidade de
“coñecer en vivo e en directo” as propostas de
goberno de cada opción política.
“Xa
hai unha data eleitoral. Acabouse xogar ao escondite cos galegos,
que queren coñecer as condicións en que se apresenta
cada candidato e cales son as súas propostas”,
acrecentou.
O líder do BNG
recalcou que Fraga non está en condicións de
gobernar e insta ao candidato popular a “dar a cara”
porque non pode ser un candidato “escondido detrás
dun telón nen pode facer a campaña agachado”,
polo que “lle pido en honor da democracia e da verdade que
acceda a participar nun debate porque os cidadáns teñen
direito a coñecer sen falsificacións as condicións
en que nos apresentamos e cales son as nosas propostas”.
Voltar
a novas
Ver
anteriores
|
|