|
Publicidade
Contacto
Novas
Opinión
Arquivo
Ligazóns
Anteriores
|
*Jorquera
lémbralle a Pita que as acusacións de enriquecimento
feitas por López Veiga “aínda están por
seren investigadas”
Redacción,
23 de marzo 2005.
O
coordenador executivo do BNG,
Francisco Jorquera, as críticas formuladas onte polo
portavoz do grupo parlamentar do PP, Xaime Pita, ao Código
Ético da formación nacionalista.
“En
primeiro termo, gostaría de lembrarlle ao señor Pita
que as acusacións de enriquecimento ilícito de
compañeiros do seu proprio partidofeitas
polo conselleiro López Veiga aínda están por
ser investigadas. Carece de precedente que un membro dun Goberno
realice unhas declaracións dese calibre, o cal indica até
que ponto a corrupción está institucionalizada no
noso país”, afirma o tamén adxunto á
portavocía nacional do BNG.
“O PP critica o
Código Ético do BNG porque está nas
antípodas da rexeneración democrática que
precisa este país”, valora Jorquera. “O PP non
goberna: limítase a ocupar as institucións. E o que
preconiza o Código Ético é xustamente
devolver esas institucións aos cidadáns, poñelas
ao servizo do pobo galego”, engade.
Jorquera non
entende por que un Código Ético que
pretende comprometer ás institucións galegas coa
transparencia e as prácticas de bon goberno “é
quen de poñer tan nervoso ao partido no poder”.
“O
PP debe saber que rematou a época da impunidade e a época
da propaganda. E rematou porque o cambio galego que personifica
Anxo Quintana e o Bloque Nacionalista Galego rexenerará as
institucións e dará seguridade aos cidadáns
de que o goberno lles pertence a eles e non a ningunha camarilla”,
conclúe o coordenador executivo do BNG.
Voltar
a novas
Ver
anteriores
|
|