*Leva
unha rosa a Outeiro. Viaxando con Manuel María
Redacción,
28 de marzo 2005.
“Gastarei o meu corpo nos camiños até ser
pó, seixo e silveira,” . Con este vesro de Manuel
María comeza o Manifesto do Poeta Viaxeiro, manifesto
mediate o cal unha serie de agrupacións culturais, baixo a
coordenación do grupo poético Círculos
Líticos nos convocan a facer un percorrido por terras
de Manuel María. Esta homenaxe ao Poeta Nacional terá
lugar o vindeiro 2 de abril e nela ademais do percorrido por
Outeiro de Rei, proxectarase o video Peregrinaxes sobre
viaxes do Poeta desaparecido.
O programa desta homenaxe
convacada polo grupo poético Círculos Líticos
e as agrupacións culturais Amigos do Patrimonio de
Lemos (Monforte), A Pomba do Arco (Foz), Bnrigadas en defensa do
Patrimonio Chairego (Terra Cha), Ergueitos (Sarria), Francisco
Lanza (Ribadeo), Fundación Manuel María (Terra Cha),
O Mundo da Galea (Alfoz), Sementeira (Viveiro), Valle Inclán
(Lugo), Xermolos (Guititiz) queda da seguinte forma:
Será
o sábado 2 de abril:
- Ás 16:00 h. Viaxe
Sentimental por Outeiro de Rei, seá un percorrido a
pé dende a Carballeira de santa Isabel (Outeiro de Rei),
con lecturas de poemas de Manuel María, música e
proclamas.
- Ás 20:30 h. Peregrinaxes,
no Auditorio de Vilalba. Haberá música, canción,
proxección en video de Peregrinaxes sobre viaxes de
Manuel María, entrega da rosa e despedida.
No acto
participarán os músicos de A Quenlla, Brath,
Caldaloba, Pilocha e Xarín, asi coma os seguintes
escritores, críticos e amigos Alberte Ansende, Marica
Campo, Lois Diéguez, Miguel A. Fernán-Vello, Luís
Fernández Guitián, Antom Fortes, Pilar García
Negro, Camilo Gomez Torres, María Xosé Lamas, Paco
Martín, Isidro Novo, Pancho Pillado, Manuel Raxo, Francisco
Rodríguez, Felipe Senén e Xulio Xiz.
Reproducimos
a continuación o Manifesto do Poeta
Viaxeiro:
Para
descargar o dítico preme aqui: portada,
interior,
contraportada
Voltar
a novas
Ver
anteriores
