A web do val do río Neira
RECEITAS: "ROSCÓN"
(A gastronomía: receitas)

Roscón

Faise cunha cullerada sopeira de azucre e outra de fariña (de trigo, ou tamén pode ser de millo) por cada ovo, para un tamaño medio podemos poñer uns 8 ovos, co que lle corresponderán 8 culleradas de azucre e 8 de fariña.

Comézase co batanado moi enérxico das claras, para poñelas a punto de neve, a continuación engádese moi engorde o azucre, logo as xemas de ovo, e por último a fariña, todo sen deixar de remecer.

Introdúcese nun molde, que a tradición e o nome marcan que sexa circular e con forma de "rosca" grande, untado con manteiga (máis frecuentemente graxa de porco), e métese axiña no forno, antes de que baixe a masa.

Antes facíase no forno do pan unha media hora ou así. No forno de gas ou eléctrico ponse a lume medio uns 25 minutos (vixiando en todo caso, para que non se queime, e para saber se xa está pódeselle cravar unha agulla de calcetar ou un palillo).

 

 

 
 

 

 

 

 

   

Valdoneira 2002-3